Afþreying

Reiðtúrar/hestaleiga hjá Langhúsum

Hestaleigan Langhúsum býður upp á persónulega þjónustu, og vinsæla reiðtúra. Vinsælustu túrarnir þeirra eru Víkingatúrinn, Strandferðin og Alls konar fyrir alla. 

Langhús er hrossabú þar sem hross eru ræktuð, þjálfuð, alin upp og seld. Á búinu eru um 70 hross á öllum aldri. Allar ræktunarhryssur eru tamdar, flestar þeirra hafa verið sýndar og dæmdar. Á hverju ári eru ræktaðar um það bil sex hryssur.

Sóti Summit 

Boðið er upp á fjölbreytt ævintýri fyrir ferðalanga allt árið um kring. Árið hefst með gönguskíðaferðum og námskeiðum, en þegar líður á veturinn tekur fjallaskíða- og þyrluskíðastarfsemin við, þar sem íslenskir fjallaleiðsögumenn leiða gesti um fjalladýrðina nyrst á Tröllaskaga. Á vorin og sumrin fyllast dagarnir af fjallahjólaferðum, gönguferðum og bátsferðum á Örkinni um Siglufjörð.

Gönguleiðir í Fljótum

Ferðafélag Íslands hefur tekið saman  25 fjölbreyttar gönguleiðir um fjallstinda og skörð á milli Fjallabyggðar og Fljóta, með mismunandi erfiðleikastigum og lengdum. 

Skemmtilegar leiðir nálægt Brúnastöðum:

Uxaskarð (Fljót → Héðinsfjörður)
Gangan hefst við Brúnastaði og gengið er yfir í Héðinsfjörð. Um 15 km ganga sem tekur 6–8 klst með fallegu hlíðalandslagi. 

Botnaleið (Fljót → Siglufjörður)
Gangan hefst við afleggjarann að Lambanes-Reykjum. Þetta er um 8 km leið með 700 metra hækkun og tekur um 3–4 klst. Stikuð leið með fallegu útsýni.