Brúnastaðir Admin
About Brúnastaðir Admin
Posts by Brúnastaðir Admin :
Umfjöllun um Brúnastaði í Scan Magazine
Brúnastaðir voru valdir sem „Profile of the Month Iceland“ í Scan Magazine í júní 2023.
Scan Magazine er flugblað sem dreift er í: „British Airways, Finn Air, Ryan Air Nordic Routes, Lufthansa og Eurowings.
Sjá umfjöllunina hér að neðan
Dýragarðurinn opnar
Verið hjartanlega velkomin til okkar í húsdýragarðinn og litlu sveitabúðina á Brúnastöðum. Þar er hægt að skoða fullt af dýrum í fallegu umhverfi. Margar tegundir af hænum, kalkúna, grísi og kálfa, kanínur og heimalinga og ekki síst geitur og kiðlinga sem gjarna þyggja klapp og knús.
Í sveitabúðinni er hægt að kaupa ís úr vél og geitaostana okkar góðu og heimagerðu. Allskonar afurðir býlisins fást einnig, sveitabjúgun kofareyktu eru sérstaklega vinsæl og seldust upp í fyrra.
Það eru komin upp sex afskaplega falleg skilti í garðinum, hönnuð af Ólínu Sif Einarsdóttur um íslensku húsdýrin, uppruna og verndargildi. Hún teiknaði einmitt myndirnar á plakatinu hérna fyrir neðan 
Opið alla daga frá 13:00 – 18:00! Hlökkum til að sjá ykkur í sumar 
Matarmarkaður í Hörpu
Við Brúnastaðafjölskyldan áttum sérdeilis frábæra helgi á Matarmarkaði í Hörpunni aðra helgina í desember. Gert var ráð fyrir að um 25.000 manns hafi sótt viðburðinn. Við fengum dásamlegar móttökur og það var afar lærdómsríkt að gefa svona mörgum að bragða á framleiðslunni okkar og fá dýrmæta endurgjöf. Seldum upp nánast allar okkar vörur. Við munum sannarlega mæta reynslunni ríkari að ári með enn fjölbreyttari framleiðslu.
Dýragarðurinn opnar!
Húsdýragarðurinn og litla sveitabúðin okkar á Brúnastöðum mun opna 15. júní næstkomandi 
Verið hjartanlega velkomin að kíkja á dýr af öllum gerðum og versla afurðir Brúnastaðabúsins, nú eða bara fá ykkur ís í blíðunni! 
Opið verður hjá okkur alla daga í sumar frá 13:00 – 17:00.
Við hlökkum til þess að sjá ykkur sem flest í sumar! 
Geitaostarnir okkar fást nú víða!
Kæru vinir. Geitaostarnir okkar frá Brúnastöðum í Fljótum fást nú víða. Í Matarbúðinni Nándinni, Me&Mu, Frú Laugu, Skagfirðingabúð, Fiskkompaní Akureyri, Urban Farm Akureyri, hjá bíl Vörusmiðju Biopol og er hann einnig á leiðinni á bændamarkað Krónunnar sem hefst viku af sept. Svo fæst hann auðvitað í litlu sveitabúðinni hjá okkur á Brúnastöðum. Formlegri opnun þar er nú lokið en það eru allir velkomnir, um að gera að hringja á undan sér, 8691024. Þar fást einnig allar aðrar afurðir býlisins.
Húsdýragarðurinn og Sveitabúðin opna!
Við höfum opnað litla sveitabúð á Brúnastöðum sem verður opin á hverjum degi frá 13-17 fram til 1.september!Nú þegar er hægt að fá hjá okkur heitar geitaostsamlokur, kaffi og aðra drykki auk afurða býlisins; geitaost, landnámshænuegg, sjógengna Miklavatns bleikju, ær, svína og Angus nautakjöt. 
Innan skamms verður svo hægt að fá sér rjómaís úr vél eða tilla sér með vínglas á meðan börnin skoða dýrin 
Hlakka til að sjá ykkur sem flest! 
Getið líka haft samband við mig hér á Facebook eða í síma 867-4561
Viðtal Guðna Ágústsonar fyrrverandi landbúnaðarráðherra við Hjördísi á Mannlífi
Hjördís fór í viðtal við fyrrverandi landbúnaðarráðherra Guðna Ágústsson um sveitalífið, tækifæri og áskoranir.
Það má finna HÉR
